महाराष्ट्राची महालगोरी
लगोरी म्हंटलं कि सर्वानाच आपले बालपण आठवते. या खेळाशी प्रत्येकाचे काही ना काही नाते असतेच. लगोरी .. डिकोरी... लगूरी अशा अनेकविध नावानी या खेळाला ओळखले जाते.
लगोरी हा महाराष्ट्राचा पारंपरिक खेळ आहे असे म्हंटले तरी वावगे ठरणार नाही कारण याचे काही पौराणिक संदर्भ सुद्धा मिळतात. शिवाय या खेळाला आता आंतरराष्ट्रीय मान्यता हि मिळाली आहे.
पण आताच्या पिढीला या खेळाबद्दल फारशी माहिती नाही . म्हणूनच विस्मरणात जात असलेल्या या खेळाला आम्ही पुन्हा एकदा महालगोरी च्या निमित्ताने सर्वांच्या समोर आणण्याचा प्रयत्न करत आहोत . या कार्यक्रमाचे आयोजन एशियन एंटरटेनमेंट चे श्री. सचिन साळुंखे आणि निमंत्रक शिवरत्न एंटरटेनमेंट चे धैर्यशील मोहिते पाटील यांनी केले आहे. संकल्पना तेजपाल वाघ आणि व्यवस्थापन फ्रेमएलिमेंट्स यांच्या द्वारे केले जाणार आहे. सप्टेंबर २०१६ च्या अखेरीस अकलूज येथे हे सामने होणार आहेत. शिवाय झी टॉकीज वाहिनी वर या सामन्यांचे प्रसारण होणार आहे.
या क्रीडा मालिकेचे शीर्षक गीत संगीतकार रोहन - रोहन यांनी केले आहे . संजय जाधव , प्रसाद ओक , संजय नार्वेकर , अभिजित पानसे , सोनाली कुलकर्णी , स्मिता गोंदकर , हेमांगी कवी , केदार शिंदे , संग्राम साळवी , आदिनाथ कोठारे मनीषा केळकर , श्रुती मराठे असे अनेक मान्यवर कलाकार खेळणार आहेत. आणि टीम्स ची नावे अनुक्रमे अशी असतील.
रांगडा रायगड
सरखेळ सिन्धुदुर्ग
अभेद्य अकलूज
नरवीर सिंहगड
पावन पन्हाळा
सरदार शिवनेरी
झुंजार राजगड
बुलंद प्रतापगड
